嬰幼兒睡眠改善計劃

BB瞓得好，爸媽冇煩腦!

睡眠不足令父母受盡煎熬，而小寶寶睡眠不足則會影響他們的身心發展。FeednSleep幫助小寶寶得到更優質的睡眠。確保他們得到足夠的休息，去面對身體迅速生長的需要。

“Rebecca，我同老公都好多謝你。

呀仔已經一歲啦，諗返起呢一年經歷過好多嘢，最感恩係遇到你！

我相信每一個做媽媽嘅都會記得頭一年湊BB嘅辛酸，坐月嗰陣時BB每幾個鐘就會起身一次，作息時間非常混亂，令到新手父母都無所適從，有時甚至連自己嘅食飯時間都冇。

好感謝您話俾我知，原來BB嘅作息時間係可以訓練㗎，一開始都覺得好神奇，半信半疑。

全靠你耐心嘅指導同分析，將BB瞓覺嘅問題逐一指出，同時教導我改善嘅方法，令BB由六個星期開始已經有一個固定嘅作息時間表。

一開始好多親戚朋友都覺得冇可能，叫我順其自然， BB鍾意幾時瞓幾時醒就由得佢。但其實有咗固定嘅作息時間，我先至可以處理返自己嘅日常事務。同時，令到其他幫手照顧BB嘅人都可以輕鬆啲。

依家BB已經一歲啦，佢嘅作息時間非常穩定，每次佢瞓咗之後，我都可以做吓家務、食飯、甚至整蛋糕都得，真係好開心㗎！

最重要嘅係， BB嘅成長非常之好！佢瞓得好就自然容易吸收知識同營養。個個親戚朋友都讚佢乖同聰明，仲肥肥白白添。望住有啲同年紀嘅小朋友，一邊食飯一邊瞓覺，真係令到媽媽好無奈；而我個BB就餐餐都食得好好，全日都充滿精神，每晚亦都一覺瞓天光。

一切一切，都好感謝您！全靠你呢一年來嘅支持同教導，令到我同BB都可以開心快樂健康咁成長，多謝你！”

Verna, mum of 1 year old baby